Mae cyfrif Twitter ffug ar gyfer ‘Llywodraeth Cymru’ wedi cael ei wahardd gan y wefan gymdeithasol – ar ôl cwyn gan y sefydliad go iawn.
Mae’n ymddangos nad oedd Llywodraeth Cymru yn hapus â’r cyfrif ffug, oedd wedi bod yn trydar rhai o straeon gwefan www.llywodraethcymru.org sydd hefyd yn un ffug.
Gwefan iawn Llywodraeth Cymru yw www.wales.gov.uk/?lang=cy.
Roedd y cyfrif ffug yn cynnwys llun o logo Llywodraeth Cymru gydag wyneb y Prif Weinidog Carwyn Jones yn gwgu drosto.
[gwgu - edrych yn grac, tynnu'r aeliau at ei gilydd er mwyn mynegi anfodlonrwydd]
Yn y darn oedd yn disgrifio’r cyfrif Twitter roedd un gair yn unig – ‘Delifro’.
“Darparu gwybodaeth”
Dywedodd llefarydd ar ran Llywodraeth Cymru – y corff swyddogol,
hynny yw – wrth golwg360 eu bod nhw wedi “darparu gwybodaeth” i Twitter
ynglŷn â’r cyfrif ffug.
Fe benderfynodd y wefan gymdeithasol atal y cyfrif yn sgil hynny oherwydd ei fod yn torri eu rheolau.
Fodd bynnag, mae’r wefan ffug yn dal i fodoli, gyda’r gweinyddwr
yn dweud wrth golwg360 y byddai rhagor o ddiweddariadau’n ymddangos
arno cyn hir.
Mae Twitter yn adnabyddus am gynnwys nifer o gyfrifon ffug neu
‘spoof’ o bobl enwog a sefydliadau, sydd yn aml yn trydar yn gellweirus
ac yn gwneud hwyl ysgafn am eu pwnc.
[cellweirus - ffraeth, digrif, direidus - jocular, facetious, witty]
Mae nifer bychan o’r rhain hyd yn oed yn llwyddo i ddenu mwy o
ddilynwyr na’r unigolion a sefydliadau swyddogol y maen nhw’n ei
ddynwared.
[dynwared - copïo, efelychu]
Diolch i Golwg 360
No comments:
Post a Comment