Ar ddydd Iau 4 Hydref, sef Diwrnod Cenedlaethol Barddoniaeth, heriodd Llenyddiaeth Cymru bedwar bardd i gyfansoddi 100 o gerddi gwreiddiol mewn 24 awr am y chweched flwyddyn yn olynol.
Y pedwar prysur oedd Manon Awst, Caryl Bryn, Morgan Owen ac Osian Owen.
Bu gofyn i bob un o’r beirdd ysgrifennu o leiaf un gerdd bob awr i gyflawni’r Her 100 Cerdd mewn da bryd. Mae timoedd y gorffennol wedi cyrraedd y nod gydag eiliadau’n unig yn weddill.
Cychwynnodd y tîm arni am hanner dydd ar ddydd Iau 4 Hydref, sef Diwrnod Cenedlaethol Barddoniaeth, dathliad blynyddol o farddoniaeth a phopeth barddonol, ac mi roddodd yr atalnod llawn ar y gerdd olaf cyn hanner dydd ar ddydd Gwener 5 Hydref.
Unwaith eto eleni, cafodd y cyhoedd eu gwahodd i ymuno yn yr Her drwy awgrymu testunau a gyrru geiriau o anogaeth dros y cyfryngau cymdeithasol yn ystod y pedair awr ar hugain.
Dyma'r rhestr gyflawn o'r cerddi a gafodd eu cyfansoddi eleni.
No comments:
Post a Comment