"Mae" gan Mererid Hopwood

https://www.youtube.com/watch?v=yNboFOKZaZ4 

 

Mae dail y coed
Mae border bach
Mae murmur yn yr awel
Mae un friallen fach ar lawr
Mae cân am Benrhyn Tawel
Mae parabl plant
Mae munud fach
Mae llun y gallwn glywed
Mae ifanc ffôl, mae Elen fwyn
Mae aros, ac mae myned
Mae dau gi bach
Mae tiwn Sam Tân
Mae môr â phadell ffrio
Mae Mistar Duw, mae gwely gwag
Mae…’O na bawn i yno’
Mae ger y drws y blodau tlws
Mae eiddil heb eiddilwch
Mae pishyn, pishyn, Fenws fain
A thacsi i Gwm Tawelwch
Mae dawns y glaw,
Mae’r nos yn hir
Mae’r cloc yn tipio’n araf
Mae pen y lôn
Mae cael yn ôl
Ac wedi awr dywyllaf
Dros gymoedd cul a moelni maith
Dros greigiau pen y mynydd
Drwy niwl y wawr
Mae haul ar fryn.
Daw dydd,
Daw bore newydd.
A thrwy’r holl ymynysu hwn
Mae calon Cymru’n curo
Mae ei phobl, fel y tir dan draed
Drwy’r saib yn ailegino.
Ac os o hyd mae llinell bell diderfyn
Gwn fod darfod
Mae dyddiau blin yn dod i ben
Mae amser gwell yn dyfod

Y Cylch Sialc - Cyfweliadau

Mererid Hopwood yn sôn am sut brofiad oedd trosi drama Bertolt Brecht:

https://www.youtube.com/watch?v=jehSaxUSABI&feature=youtu.be

Cyfweliad gyda Sarah Bickerton, cyfarwyddwr Y Cylch Sialc:

https://www.youtube.com/watch?v=SfOkAtoOLtA&feature=youtu.be

Cwestiynau o'r cyfweliad gyda Sarah Bickerton:

Pam wnaethoch chi benderfynu dewis Y Cylch Sialc fel eich cynhyrchiad nesaf?

Ym mha gyfnod ydych chi wedi gosod y ddrama?

“As a political writer, Brecht would surely have expected a modern production to addresscurrent issues whilst remaining true to his ideals.” 
Pa fath o gynhyrchiad fydd gennych chi?

Sut fyddwch chi’n dechrau ar y broses ymarfer? 

Eglurwch y ffordd rydych chi’n gweithio gyda’r cast.

Pa neges ydych chi am ei gadael gyda’r gynulleidfa?

Roedd gan Brecht arddull arbennig – a fydd hyn yn amlwg yn y cynhyrchiad?

Beth yw rôl Gwenno yn y cynhyrchiad? 

Pa rai o dechnegau Brecht rydych chi am eu defnyddio?

Beth yw’ch gweledigaeth ynglŷn â’r set a’r gwisgoedd? 

Mae Mererid Hopwood wedi trosi’r ddrama o’r Almaeneg. Pa drafodaethau fu rhyngoch chi ynglŷn â pha gyfnod y dylid gosod y trosiad ynddo?

Pa mor bwysig fydd y defnydd o oleuo yn eich cynhyrchiad?

Beth am yr elfen o gomedi rydych chi am ei defnyddio?

At beth ydych chi'n edrych ymlaen fwyaf?

Y Cylch Sialc

Un o'r prosiectau cyffrous newydd y byddwn yn trin a thrafod gyda chefnogaeth Theatr Genedlaethol Cymru yn ystod tymor yr hydref fydd trosiad newydd sbon gan Mererid Hopwood o Y Cylch Sialc, un o ddramâu pwysicaf Bertholt Brecht.

Dyma ragflas a disgrifiad o'r ddrama. 

http://theatr.cymru/portfolio/ycylchsialc/ 

Yn y dyddiau mwyaf gwaedlyd, mae pobl dda yn byw.”
 
Mae chwyldro ar droed a’r ddinas ar dân. Yn y dryswch, mae babi’n cael ei adael ar ôl.

Mae merch ifanc yn aberthu popeth er mwyn achub y plentyn. Â’r wlad dan warchae a milwyr yn eu herlid, mae hi’n benderfynol o’i warchod, doed a ddelo. Ond mewn byd llygredig, a yw cariad yn ddigon?

Am y tro cyntaf erioed, mae Theatr Genedlaethol Cymru yn troedio i fyd Bertolt Brecht gyda throsiad newydd i’r Gymraeg gan Mererid Hopwood a cherddoriaeth wreiddiol yn cael ei pherfformio’n fyw gan Gwenno. Mewn cynhyrchiad newydd trawiadol, mae’r clasur hwn o’r ugeinfed ganrif yn byrlymu â cherddoriaeth, hiwmor tywyll a chymeriadau bywiog; stori epig am wneud daioni mewn byd sy’n llawn drygioni.

Cyfarwyddwr: Sarah Bickerton