Clwb Darllen Aberteifi: Dan ei Adain gan John Alwyn Griffiths

Er bod y nofel hon bellach allan o brint, mae'n debyg bod digon o gopïau ar gael trwy siopau llyfrau (heblaw am Awen Teifi) a chwmnïau fel Amazon, heb sôn am eich llyfrgell leol wrth gwrs!

Byddwn yn trafod Dan ei Adain ar yr 17eg o Hydref.

Mae tair taflen eirfa ar gael i hwyluso'r darllen:

Taflen 1

https://drive.google.com/open?id=1s5iGFixhAKvmNMb5CvrwgBzsaNqZrQpZ

Taflen 2


https://drive.google.com/open?id=1bkxwnYEJH1TlP3BDmWpgdeJX4LRfybTX

Taflen 3

https://drive.google.com/open?id=1v_1qgTGKNRxEmUIwowrvpR_2UKT_MVlu

Clwb Darllen 2019-20

Byddwn yn cynnal clwb darllen ddwywaith y tymor o fis Hydref ymlaen fel rhan o'n dosbarth sgwrsio Uwch 3. Diolch i Gaynor a Nigel am awgrymu'r ddau gyfrol isod:

1. Dan ei Adain gan John Alwyn Griffiths

Gwasg Carreg Gwalch £8.50

Pan gaiff Ditectif Sarjant Jeff Evans gyfarwyddyd i gymryd Lowri Davies, y Ditectif Brif Arolygydd newydd, ifanc, o dan ei adain, mae'n rhagweld cyfnod cythryblus. Ond pan gaiff corff merch ifanc ei ddarganfod ar draeth creigiog ger Glan Morfa, gorfodir y ddau i gydweithio ar achos sy'n eu harwain yn llawer pellach na ffiniau gogledd Cymru.

Bywgraffiad Awdur

Un o Fangor yw John Alwyn Griffiths yn wreiddiol, ond bellach mae’n byw ym Môn. Bu’n heddwas hyd ddiwedd 2008, a chyn ymddeol roedd yn bennaeth ar Adran Dwyll Heddlu Gogledd Cymru. Hon yw ei chweched nofel.

2. Straeon Cyn Cinio

Eisteddfod Genedlaethol Cymru £8.00

Wyth niwrnod o Eisteddfod yn y Bae. Wyth stori fer newydd sbon. Wyth awdur, pob un wedi ymgartrefu yng Nghaerdydd, waeth ble mae'u gwreiddiau. Wyth cyfle i ail-fyw profiadau cyffrous Pabell Lên Canolfan y Mileniwm. Wyth cip ar fywyd pobl Cymru – ddoe, heddiw ac yfory.

Dyma straeon gwreiddiol, gafaelgar a chofiadwy gan Catrin Dafydd, Ceri Elen, Delyth George, Jon Gower, Geraint Lewis, Anni Llyn, William Owen Roberts a Manon Rhys, a gomisiynwyd yn wreiddiol gan Eisteddfod Genedlaethol Caerdydd 2018 ar gyfer eu darllen fel Straeon Cyn Cinio yn y Babell Lên.